Paalala at Abiso Ukol sa Bagong Proseso ng Bureau of Customs para sa Inspeksyon ng Balikbayan Boxes
Mahal naming mga kababayan,
Bilang inyong pinagkakatiwalaang partner sa pagpapadala ng inyong mga balikbayan boxes, nais naming ipaalam sa inyo ang mahalagang update hinggil sa mga panibagong patakaran ng Bureau of Customs sa Pilipinas.
Kamakailan lamang ay may mga naiulat na insidente kung saan may natuklasang malalaking shipment ng ilegal na droga na itinago sa ilang balikbayan boxes na dumating sa bansa mula sa iba't-ibang bansa. Bilang tugon sa seryosong problemang ito, nagpatupad ang Bureau of Customs ng mas mahigpit at mas detalyadong proseso ng inspeksyon para matiyak ang seguridad at kaligtasan ng lahat.
 |
| BOC Memorandum on new Balikbayan Box Inspections |
Dahil dito, ang bawat balikbayan box ay dadaan ngayon sa mas masusing physical inspection, kabilang na ang posibleng pagbubukas at muling pagsasara nito sa presensya ng awtorisadong tauhan mula sa customs. Layunin nito na tiyakin na walang ipinagbabawal na laman ang inyong mga padala at mapanatili ang tiwala ng publiko sa serbisyo ng pagpapadala.
TANDAAN: Hindi po sa Customs ibababa at susuriin ang mga boxes, sa ating warehouse po ito gagawin ng mga representatives ng BOC habang nakabantay ang ating mga tauhan. Bubuksan lamang ang box at ipapaamoy sa mga aso. Hindi hahalungkatin ang laman ng box maliban kung may madetect ang aso. Pagkatapos nito ay isasara na muli ang box. Pero sa Customs ay dadaan pa rin sa X-Ray ang mga containers at boxes na dahilan para matagalan bago makarating sa ating warehouse.
Para sa kaunawaan ng lahat, ang Kenshin Hako at aming mga tagatangkilik sa Japan at mga contractors ay hindi kailanman naging sangkot sa mga illegal na aktibidad. Subalit dahil sa laki at lawak ng mga ganitong insidente ay minarapat ng BOC na lahat ng kumpanya na nagpapadala ng balikbayan boxes mula sa iba't ibang bansa ay sumailalim sa bagong proseso ng inspection.
Gayunpaman, nais naming ipaalam na dahil sa bagong prosesong ito, hindi na natin maibibigay ang eksaktong timeframe ng pagdating at delivery ng inyong mga padala. Depende sa dami ng boxes na kailangang inspeksyunin sa bawat shipment, maaaring magkaroon ng karagdagang pagkaantala sa dating karaniwang tagal ng delivery.
Lubos kaming humihingi ng inyong pang-unawa at pasensya sa sitwasyong ito. Ginagawa namin ang lahat upang mapanatili ang maayos na koordinasyon sa customs at maiparating agad ang inyong mga balikbayan boxes sa inyong mga mahal sa buhay.
Patuloy naming ibabahagi ang mga updates hinggil sa sitwasyong ito. Para sa inyong mga katanungan, mangyaring magpadala ng mensahe dito sa aming Facebook page o kaya'y tumawag sa aming customer service hotline.
Maraming salamat po sa inyong patuloy na suporta at pang-unawa.
KENSHIN HAKO BALIKBAYAN BOX
ORDERS and PICK UP
🔸https://kenshinhako.com/jp/requestjp
LEARN MORE 📦
🔸Visit Website: https://www.kenshinhako.com
Message us on
🔸FB: https://m.me/kenshinhako
🔸Viber: viber://pa?chatURI=kenshinhakocs
🔸LINE: https://line.me/R/ti/p/@733qihae
Call Us 📞
JP Landline: +81 50 5846 6350
JP Keitai: +81 80 4806 1112
#KenshinHako #Balikbayan #Box #DoorToDoor #BalikbayanBox #Japan #Pinas #Philippines #Kenshin #Hako #Cargo #DeliveryService #FreightForwarding #Padala #Pasabuy #Pabili
Comments
Post a Comment